«Ҳара Бриуссель аинструкциақәа рынагӡара акәымкәа, Қырҭтәыла амилаҭтә интересқәа ҳахьчон.  Бриуссель аҳәарақәа наҳагӡазҭгьы, иахьа ҳтәыла ирбгазаауан», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

«Абарҭ аҭаӡҩырақәа рҿы  2021–2024 шықәсқәа рзы Қырҭтәылеи Молдовеи рекономикатә азҳара арбагақәа аарҧшуп. 2021шықәсазы Молдова аекономикатә кризис иалҵит, 13,9% аекономикатә азҳара аман, аха, аибашьра ианалага инаркны аекономикатә стагнациаҿы иҟоуп, аекономикатә азҳара арбага аноль иазааигәахеит.

2021 шықәсазы Қырҭтәыла абиуџьет  2,4 млрд адоллар ала Молдова абиуџьет аасҭа еиҳан.  2025 шықәсазы ҳбиуџьет  4,8 млрд адоллар ала молдоватәи абиуџьет еиҳауп.

Аха, абри аамҭа иалагӡаны, дара Молдова акандидат астатус анаршьеит, аиҿцәажәарақәа иалагеит, убри аамҭазы, ҳара ҳганахьала ақәыҕәҕәареи ақәмақарреи ауп иҟоу.

Нас, иҟалеи? Иҟаҳҵеи ма иаҳзыҟамҵеи, Молдова аекономикатә стагнациа аныҟоу аамҭазы, ҳара аекономикатә азҳара аганахьала европатәи атәылақәа рацәа раҧхьа агылара ҳалзыршеи?

Аҭак еилкаауп: ҳара Бриуссель аинструкциақәа рынагӡара акәымкәа, Қырҭтәыла амилаҭтә интересқәа ҳрықәныҟәон. Бриуссель аҳәарақәа наҳагӡазҭгьы, иахьа ҳтәыла ирбгазаауан.

Ари аҭоурых зегьы рзы иҿырҧшыгазароуп, зегьы цқьа еилыркаароуп: аӡәгьы ҳтәыла аинтересқәа ахатә интересқәа раасҭа иаҳа иҳаракны иқәиргылом. Ҳара уи еилаҳкааит анырҵәагақәа рыҭара иазкны Киев аҟынтә аофициалтә аҳәара аныҟаҵаз; ҳара уи еилаҳкааит Бриуссель Урыстәылаҟны аҳәаа аркразы аҳәара анықәдыргыла. Ҳара уи еилаҳкааит  дара Украина Евроеидгыла афронт аҧхьатәи ацәаҳәаҿы игылоуп ҳәа ирҧшӡаны ианырҳәа. Аха, ари афронтаҿ ршьа карҭәар рҭахым», — иҩит  Шьалуа  Папуашвили.