Аполитик аҳәаанырцәынтә аҧара аниоуа, иара атәымтәыла аинтересқәа рыхьчара дазҿлымҳахар ауеит, – иҳәеит апарламент ахантәаҩы Шьалуа Папуашвили.

Иара иажәақәа рыла, „Атәылауаа рполитикатә еидҵарақәа ирызку“ азакәан инқәыршәаны, апартиақәа аҳәаанырцәынтә аҧара аиура азин роуам, асеминарқәеи егьырҭ аусмҩаҧгатәқәеи рсахьалагьы.

„Алхрақәа раҧхьа ибзиаӡаны иаабеит аҳәаанырцәынтә ҳалхрақәеи, ҳдемократиеи, ҳуааҧсыра ргәазыҳәареи аҽалагалара аҽазкра шыҟаз. Рацҳарас иҟалаз, аполитикатә партиақәа ралхраҧхьатәи акампаниа аҳәаанырцәынтә аҧара азоушьҭра абжьааҧнытә усхеит. Убри аҟынтә, ари азҵаара аҭыҧ иқәҵатәуп.  Аполитик ақырҭуа жәлар ринтересқәа иазҧхьагәаҭаны аӡбарақәа идикылароуп ҳәа ҳҳәоит, аха, иара аҳәаанырцәынтә аҧара иоуазар, атәымтәыла аинтересқәа иазҧхьагәаҭаны аӡбарақәа идикылоит. Қырҭтәыла иаҧырхагоу аинтересқәа змоу аполитикатә гәыҧқәа шыҟоу ҳбоит. Убри аҟынтә, ари азҵаара аҭыҧ иқәҵатәуп, апартиақәа аҳәаанырцәынтә аҧара аиура азин роуам, асеминарқәеи егьырҭ аусмҩаҧгатәқәа рсахьалагьы“, – иҳәеит Папуашвили.