Авизадатә режим иадҳәаланы ҳуааҧсыра ирдыруазароуп ҳара ҳхы иадаҳҵаз аҧхықәрақәа шынаҳагӡаз, уажәы иҳаҳауа аҳәамҭақәа зегьы шантажуп, – иҳәеит Қырҭтәыла апарламент ахантәаҩы Шьалуа Папуашвили Актәи аканал адырраҭара  „Актуалтә тема  – Мака Цинцаӡе лҟны“ аҿы сасра даныҟаз. Ажурнадист абри азҵаара илҭеит: „Шәгәы ишҧаанаго, евробиурократцәа рыҳәара нашәымгӡар, дара иҟарҵои?“

Папуашвили ишиҳәаз ала, иахьазы Еврокомиссиа Қырҭтәыла аганахьала жәларбжьаратәи азин еиланагоит.

„Раҧхьа иргыланы иазгәаҭатәуп уи ашантаж шакәу, дара ари азҵаара ламысдарала иазныҟәоит. Иаҳзаарышьҭыз ашәҟәы аҟны 8 зҵаарак иқәыргылоуп, урҭ рҟынтә ҧшь-зҵаарак  рзы аҳәынҭқарра абжьааҧнытә режимаҿ аус ауеит. Егьырҭ 2 зҵаарак  – „Аартызаара иазку“ азакәани  „Аҭаацәаратә принципқәа рыхьчара иазку“ азакәани зынӡаскгьы авизадатә режим иадҳәалам. Араҟа ахаҧызара ҳбоит, абри аҩызаҵәҟьа ахаҧызара ҳбеит адипломатиатә паспортқәа ирыдҳәаланы.  Еиҭасҳәар сҭахуп, адипломатиатә паспортқәа рзы авизадатә режим аанкылара абжьгарала,  Еврокомиссиа,  2010 шықәсазы Қырҭтәылеи Евроеидгылеи ирыбжьарҵаз жәларбжьаратәи аиқәшаҳаҭра еиланагеит.  Иахьа Еврокомиссиа Қырҭтәыла аганахьала жәларбжьартәи зин еиланагоит. Иаҳзаарышьҭыз ашәҟәыгьы уи шьақәнарҕәҕәоит.

Убри аҟынтә, ахаҧызареи азин ахадара атәамбареи анаабо, араҟа иҟалаша аҳәара уадаҩуп.  Раҧхьа иргыланы иаҵшьны иазгәасҭар сҭахуп авизадатә режим аанкыларазы изакәызаалак шьаҭак шыҟам. Авизадатә режим иадҳәаланы ҳуааҧсыра ирдыруазароуп ҳара ҳхы иадаҳҵаз аҧхықәрақәа шынаҳагӡаз, уажәы иҳаҳауа аҳәамҭақәа зегьы шантажуп, иарбанзаалак абри аҩыза ашьаҿа ламысдароуп; насгьы – ҳара ибзиаӡаны иаабоит Евроеидгыла аҩныҵҟа ииашаны ихәыцуа аҳәынҭқаррақәа шыҟоу,   дара ибзиаӡаны еилыркаауеит абри аҩыза аламысдара аҟаҵара шыҟамло; ахҧатәи  – дара лассы-лассы ирҳәалоит ақырҭуа жәлар роуп акандидат астатус заҳҭаз, ақырҭуа жәлар ҳрыдгылоит ҳәа, нас, уажәы ақырҭуа жәлар интересс ирымаӡами?!“ – иҳәеит Шьалуа Папуашвили.