Арадикалтә гәыҧқәа атәыла анапхгара рҿы акәымкәа, Қырҭтәыла Аконституциа иадҳәаланы апроблемақәа рымоуп. Убри аҟынтә,   ак иалацәажәозаргьы,  дара еиларгаз Аконституциеи Ашьауҕатә закәанеидкылеи ирылацәажәароуп, – иҳәеит Қырҭтәыла апарламент ахантәаҩы Шьалуа Папуашвили.

Папуашвили ишиҳәаз ала, Аконституциа еилазгаз, ашьауҕатә ацәгьаурақәа ҟазҵаз ауаа иахьа аполитикатә диалог иаҳәоит.

„ „Лело“ алидерцәа иҟарҵаз аҳәамҭа иадҳәаланы исҳәар сҭахуп, – ҳара ҳазлацәажәаша акгьы иҟам, Аконституциатә аӡбараҿы ицәажәааит. Ашьауҕатә аӡбарҭаҿы ицәажәааит, уаҟа русқәа ирыхәаҧшуеит. Абри апроблемоуп ахадаратә ҵакы змоу.  Аполитикатә диалог аҟамзаара акәӡам проблемас иҟоу, Аконституциеи Ашьауҕатә закәанеидкылеи еилазгаз ауаа аполитикатә диалог иаҳәоит, абри ауп проблемас иҟоу“, – иҳәеит Шьалуа Папуашвили.

Иацы апартиа «Лело – Қырҭтәыла ҕәҕәа» алидерцәа абрифинг мҩаҧганы ишырҳәаз ала,   «Ақырҭуа гәахәтәи»  2024 шықәсатәи алхрақәа раан ауааҧсыра реиҳара рыбжьқәа зауз аоппозициатә партиақәеи рыбжьара аполитикатә диалог иалагароуп.