« Чарли Кирк ишьра лабҿаба иҳнарбеит ацәымҕра алазырҵәо аидеологцәеи агитаторцәеи ауаа рыхдырра ишаныруа, ауаҩшьра шрыдарцало», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили иажәақәа рыла, алибералтә фашизм Қырҭтәылаҿ ацәымҕратә лагылазаашьа аҧызҵо агәыҧқәа ахылҿиааит, алибералтә фашизм абольшевизм аидеиатә ҭынхоуп, уигьы аҳәаанырцәынтә аларҵәара аиуит.

«Америка иҟалаз арыцҳара адунеи зегьы аршанхеит. Ҳара даҽазнык арыцҳара хада ҳбеит   –  ҳара лабҿаба иаабеит  ацәымҕра алазырҵәо аидеологцәеи агитаторцәеи ауаа рыхдырра ишаныруа, ауаҩшьра шрыдарцало.

Алибералтә фашизм Қырҭтәылагьы абри аҩызаҵәҟьа агәыҧқәа аҧнаҵеит, дара есымша ацәымҕратә лагылазаара аҧырҵоит. Шәышықәса раҧхьа абольшевизм еиҧшҵәҟьа, уажәгьы алибералтә фашизм аҳәаанырцәынтә иҳадарцало аидеологиоуп.

Ҳара есымша иаабоит асоциалтә аҳақәа рҿы ацәымҕра аларҵәара ишаҿу. Апартиатә медиахархәагақәа афашисттә идеологиатә спикерцәеи ацәымҕреи аларҵәара иаҿуп. Асоциалтә аҳақәа рҿы аус зуа аидеологцәа аҳәаанырцәынтә аҧара роуеит. Рдонорцәа аекстремизм иалацәажәоит атәылауаҩратә активизм аҳасабала. Агеополитикатә интересқәа змоу атәым политикцәақәак урҭ ирыдгылоит.

Абасоуп ацәымҕратә лагылазаара шаҧҵахо. Абри ачымазара бааҧсы ҳаиааирц азыҳәан иаҳа агәыҳалалра ааҳарҧшыроуп.

Ҳҭоурыхаҿ имаҷымкәа аҩныҵҟатәи аиҿагыларақәа ҳхаагахьеит. Ашәышықәсарацәалатә ҳкультура иҳнарбеит ацәгьара ацәымҕрала ушымиааиуа. Ацәгьара абзиареи абзиабареи рыла ҳаиааир ҳалшоит. Абри ауп ҳкультура шьаҭас иамоу, абарҭ адацқәа атәым методқәа рыла рықәхра ҟалом», — иҩит  Папуашвили.