«Аҧыза-министр афатәаалыҵ ахәқәа ирызку азҵаарахь иҟаиҵаз хшыҩзышьҭра ҳазыразуп, ҳтәылауаа ари азҵаара ҷыдала иаргәамҵуеит», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили ишазгәеиҭаз ала, ааҧынратә сессиа аартра анеҩсҵәҟьа, апарламенттә комиссиа ҷыда еиҿкааны, афатәаалыҵ азы ахәқәа рышьақәыргылара апроцесс аргама аҭҵаара иалагоит.

 «Аҧыза-министр ишиҳәаз еиҧш, ари азҵаара аҭҵаара иалагахьеит, проблемақәак аарҧшуп, апроцесс иалагахьеит.

Хырхарҭак аҳасабала ицәырган апарламенттә комиссиа аиҿкаара аидеиа, ари аформат бзиоуп, избанзар, ҳтәылауаа  лабҿаба ирбар рылшоит ахәқәа шышьақәгыло, ари аганахьала проблемас иҟоу.

Иаарту адемократиатә процесс абзоурала, ҳтәылауаа инарҭбаау аинформациа роуеит, еиуеиҧшым азҵаарақәа рылацәажәареи аӡбарақәа рыдкылареи апроцесс аҽалархәра шрылшо еилыркаауеит.

Ааҧынратә сессиа аартра анеҩсҵәҟьа, апарламенттә комиссиа ҷыда еиҿкааны, афатәаалыҵ азы ахәқәа рышьақәыргылара апроцесс аргама аҭҵаара ҳалагоит», — иҩит Шьалуа Папуашвили.