«Апартиақәа зегьы алхрақәа рҽаладырхәыр ҟалап, аха, зны апарламенттә алхрақәа мҩаҧгазароуп, анеҩс аҭыҧантәи, ианамуӡа – апарламенттәи аҭыҧантәии еицымҩаҧгатәуп. Уи азыҳәан аҧҟара ҿыцқәа аҭахуп, ҳара «Аҿагылара аплатформа» аҳәаақәа ирҭагӡаны арҭ аҧҟарақәа шьақәҳаргылоит», — илҳәеит Қырҭтәыла ҧасатәи ахада  Саломе Зурабишвили.

Зурабишвили лажәақәа рыла, Ақырҭуа гәахәтәы аоппозициатә партиақәа реиҟәшара рҽазыркит.

«Партиак, иара ахала акгьы зыҟанаҵом, уи ибзианы иаадыруеит. «Ақырҭуа гәахәтәы» хықәкык ауп ирымоу — ажәлари апартиақәеи рыгәҭа аҳәатәеиқәымшәара  иҟазар рҭахуп. Адиктатортә режимқәа зегьы абасоуп ишыҟарҵо. Ҳара уи еиҧш алшара раҳамҭароуп. Убри азоуп  «Аҿагылара аплатформа» зеиҿаҳкааз. Ҳара аус еицаауеит, жәларбжьаратәи ҳпартниорцәа рзы ҳпозициақәа ҳәаақәаҳҵоит.  «Ақырҭуа гәахәтәы» ари апроцесс  иаҧырхагахар рҭахуп, убри азоуп аҭыҧантәи алхрақәеи апарламент алалареи атема зцәырыргаз. Аӡәгьы апарламент алалара игәы иҭам. Аха, апартиақәа зегьы алхрақәа рҽаладырхәыр ҟалап, аха, зны апарламенттә алхрақәа мҩаҧгазароуп, анеҩс аҭыҧантәи, ианамуӡа – апарламенттәи аҭыҧантәии еицымҩаҧгатәуп. Уи азыҳәан аҧҟара ҿыцқәа аҭахуп, ҳара «Аҿагылара аплатформа» аҳәаақәа ирҭагӡаны арҭ аҧҟарақәа шьақәҳаргылоит», — илҳәеит Қырҭтәыла ҧасатәи ахада  Саломе Зурабишвили.