«Иванишвили иасҳәар сҭахуп иаҳа иџьбароу аиҿагылара аиаҿкаара, ма, атәылауаҩратә аиҿагылара ала ҳаршәара аҽазкра  акгьы шахылымҵуа», – илҳәеит Қырҭтәыла ҧасатәи ахада  Саломе Зурабишвили.

Лара лажәақәа рыла, ганк аҿы арежим иҟоуп, егьи аганаҿ  – ажәлар, абри аҩыза аҭагылазаашьаҿы  ажәлар еснагь аиааира ргоит.

Саломе Зурабишвили ишылҳәаз ала, Ашықәс Ҿыц анеҩс арепрессиақәеи, абаандаҩтәрақәеи, ауаа рыршәареи ацәқәырҧа ҿыц иалагеит, уи иаанымгыло апротестқәа раанкылара ауп изызку.

«Иванишвили иасҳәар сҭахуп иаҳа иџьбароу аиҿагылара аиаҿкаара,  ма, атәылауаҩратә аиҿагылара ала ҳаршәара аҽазкра  акгьы шахылымҵуа.  Избанзар, даҽазнык иазгәасҭар сҭахуп Қырҭтәылаҿ 2 ганк шыҟам. Ауаажәлар иҟоуп, насгьы, амчылара иазҿлымҳау адепутатцәеи хазхаҭалатәи ахаҿқәеи, амчыларатә режим ахаҭарнакцәеи иҟоуп.   Ганк аҿы арежим иҟоуп, егьи аганаҿ  – ажәлар, абри аҩыза аҭагылазаашьаҿы ажәлар еснагь аиааира ргоит», – илҳәеит  Саломе Зурабишвили.