Қырҭтәыла апарламент  «MEGOBARI акт» иадҳәаланы аҳәамҭа аднакылоит.

Апарламент абиуро иахьатәи аилатәараҿы ари атәы ааицҳаит апарламент ахантәаҩы Шьалуа Папуашвили.

Папуашвили ишиҳәаз ала, зыӡбахәы ҳәоу аҳәамҭаҿы Қырҭтәыла апарламент «MEGOBARI акт» ахәшьара аҭаны, аҭак ҟанаҵоит.

«Иахьа ҳуааҧсыра аҧыза-министр Америка ахада изиҩыз ашәҟәы аҵакы еилыркааит. Уаҟа  «MEGOBARI актгьы» аӡбахәы ҳәоуп. Иара убас, апарламент аҿгьы «MEGOBARI акт» иадҳәаланы аҳәамҭа ҳармазеит, ари апроцесс иалахәып апарламент иалахәы аполитикатә гәыҧқәеи афракциақәеи зегьы, убри аҟынтә, аҳәамҭа ҳадаҳкылоит апарламент ахьӡала. Сара ари азҵааразы ажәахә ҟасҵоит, уаҵәы апарламентаҿ ари азҵаара ҳахәаҧшуеит.

Зыӡбахәы ҳәоу «MEGOBARI акт»  аиҩызара акәӡам изызку, ииашам афактқәа рышьаҭала еиқәыршәоуп, ииашам алабҿабара аанарҧшуеит. Убри аҟынтә, ҳара даҽазнык аргументқәеи афактқәеи рышьаҭала, зегьы идҳарбароуп Қырҭтәыла аҭагылазаашьа зеиҧшраҵәҟьоу,  ари акт ахәшьара аҳҭароуп. Ахаҭарнакратә Палата иаднакылаз  «MEGOBARI акт» аиҩызаратә ҟазшьа шамам ҳбоит. Апарламент, хымҧада, ари азҵаара иадҳәаланы ахатә позициа аанарҧшуеит», — иҳәеит  Шьалуа  Папуашвили.