«Германтәылеи Евроеидгылеи Асовет Еидгыла аҿарҧшра ииашам, ҳара аҕатә атәым мчы ҳакәӡам, ҳара Қырҭтәыла аҩызцәа ҳреиуп», — иҩит Қырҭтәыла иҟоу Германтәыла ацҳаражәҳәаҩ   Петер Фишер асоциалтә аҳаҿы.

Фишер иҳәамҭала, Германтәыла асоветтә аруаа иршьыз ақырҭуаа ҳаҭырла иргәаладыршәоит.

«Германтәыла 1989 шықәса мшаҧы 9 рзы Русҭавели имҩадуаҿ асоветтә аруаа иршьыз ақырҭуаа ҳаҭырла иргәаладыршәоит.  Арҭ ауаа ахақәиҭреи адемократиеи ирзықәҧон. Мрагыларатә Германтәылаҿгьы  1989 шықәса абҵаразы ауаа абри аҩызаҵәҟьа амзызла адәахьы идәылҵны апротест ҟарҵон, анеҩс Берлинтәи аҭӡамц каҳаит.

Ахақәиҭреи адемократиеи рыхьчара актуалтә ҳасабтәуп. Амзақәа рацәа ирылагӡаны ақырҭуаа Русҭавели имҩадуаҿ апротесттә акциақәа мҩаҧыргоит. Дара Асовет Еидгыла иаҿоурҧшыр ҟалом. Германтәылеи Евроеидгылеи Асовет Еидгыла аҿарҧшра ииашам, ҳара аҕатә атәым мчы ҳакәӡам, ҳара  Қырҭтәыла аҩызцәа ҳреиуп. Ақырҭуаа уи ибзианы ирдыруеит», — иҩит ацҳаражәҳәаҩ  Фишер.