«Қырҭтәыла Евроеидгыла иалалар аҭахуп, аха, аамҭакала, ари аиҿкаара акритика азнауеит, Евроеидгыла иазкны ииашам аинформациа аланарҵәоит», — иҳәеит Қырҭтәыла иҟоу Германтәыла  ацҳаражәҳәаҩ  Петер Фишер Баҭымтәи аӡбара ахыбраҿы, уаҟа иара Мзиа Амаҕлобели русӡбаратә процессаҿ дыҟан.

«Сара Германтәыла сахаҭарнакуп. Германтәылеи Қырҭтәылеи еиҩызцәоуп, ипартниорцәоуп. Германтәыла Евроеидгыла иалоуп. Қырҭтәыла Евроеидгыла иалалар аҭахуп, аха, аамҭакала, ари аиҿкаара акритика азнауеит, Евроеидгыла иазкны ииашам аинформациа аланарҵәоит.  Евроеидгыла шәалалар шәҭахызар, ари аиҿкаара ишакәым ала ахцәажәара ииашам ҳәа сгәы иаанагоит.

Сара ателееилахәыра  „Имеди“ ахь зҵаарак сымоуп. Иацы  „Имеди“ аефираҿ изырҳәеи сара арадикалтә оппозициаа абжьагарақәа рысҭоит ҳәа? Ари аинформациа аларҵәаразы шьаҭас ирымази? Шәара амц шәҳәеит  — аоппозициаа абжьагарақәа шрысҭо шьақәшәырҕәҕәа!», — иҳәеит  Петер Фишер.