Шәамахьтәыла аҧыза-министр Бриуссель ивизитаан европатәи ачынуаа иреиҳәеит Шәамахьтәыла Евроеидгыла алахәылас иҟалар шаҭаху.

Никол Ҧашиниан ари аҳәамҭа ҟаиҵеит апресс-конференциаҿы.

Иара ишазгәеиҭаз ала, алалара апроцесс мариам, уи азыҳәан Евроеидгыла алахәылацәа зегьы рықәшаҳаҭхара аҭахуп, насгьы, Шәамахьтәыла европатәи астандартқәа зегьы ирышьашәалазароуп.

«Ареформақәа рынагӡаразы амбициатә программа ҳамоуп, ишыҟазаалакгьы, ҳара ари астратегиа наҳагӡоит. Шәамахьатәылатәи ареспублика апараметрқәа зегьы рыла европатәи астандартқәа ирышьашәалахаанӡа, ҳтәылаҿы ареформақәа нагӡахоит. Убри анеҩсгьы инагӡахоит. Араҟа 2 вариантк иҟоуп. Шәамахьтәыла ма ирыдыркылоит, ма ирыдыркылом. Ирыдыркылар  – даараӡа ибзиоуп, мзызқәак рымшала ҳрыдрымкылар  – Шәамахьтәыла, уезгьы, ҳаамҭазтәи европатәи астандартқәа ирышьашәалоу тәылас иаанхоит. Аҩ-вариантк раан ҳстратегиа наҳагӡоит», – иҳәеит  Никол Ҧашиниан.