Қырҭтәыла агәабзиарахьчара аминистр  Михаил Сарџьвелаӡе иҳәамҭала,  Ҭорнике Рижваӡе Сагареџьо аклиникаҿы зырҧашьа змам амедицинатә цхыраара иоуит, игәабзиара аиҭашьақәыргыларазы иаҭаху апроцедурақәа зегьы мҩаҧгоуп.

Иара иажәақәа рыла, уажәы Ҭорнике Рижваӡе Актәи ауниверситеттә клиника ареанимациатә аҟәша дҭоуп.

«Ишдыру еиҧш, иаха Ҭорнике Сагареџьо аклиникашҟа днаргеит. Иара ихьанҭаӡоу ааха иоуит, амцабџьарла дхәып. Аоперациа изыҟарҵеит. Игәабзиара аиҭашьақәыргыларазы иаҭаху апроцедурақәа зегьы мҩаҧгоуп.  Анеҩс, Актәи ауниверситеттә клиникашҟа диаагарц ҳаӡбеит.  Уажәы ареанимациатә аҟәша дҭоуп. Ахәра цәгьақәа иоуит, аинтенсивтә ахәышәтәра иҭахуп.  Ҭорнике игәабзиара аиҭашьақәыргыларазы иаҭаху зегьы ҟарҵоит. Ҭорнике Рижваӡе ирҧҳа мацара амцабџьарла ихәып, егьырҭ иорганқәа акгьы рмыхьит. Уажәазы аҳақьымцәа рхылаҧшра иҭахуп», — иҳәеит Михаил Сарџьвелаӡе.