«Сара сгәаанагара сыҧсахуам, ак схароуп ҳәа сгәы иаанагом, аӡбара зегьы шьақәнаргылоит, ишыздыруа ала, иааиуа амшқәа рзы Ҭорнике Рижваӡе ихаҭагьы аҳәамҭа ҟаиҵоит», — иҳәеит Амшынтә транспорт азы агентра ҧасатәи адиректор Алеқси Ахвледиани аӡбаратә процесс иалагаанӡа,  иара гәцаракрада амцабџьар аҵәахра ихарарҵоит.

Ахвледиани иажәақәа рыла, иааиуа амшқәа рзы Ҭорнике Рижваӡе аҳәамҭа ҟаиҵараны дыҟоуп.

«Ишыздыруа ала, иааиуа амшқәа рзы Ҭорнике Раживаӡе ихаҭагьы аҳәамҭа ҟаиҵоит. Иара Қырҭтәылаҟа дхынҳәуеит,  иара ахаангьы аҧсадгьыл ааныжьра игәы иҭамызт,  аҳәаанырцәҟа дызцаз жәдыруеит. Ҭорнике дхынҳәны,  ихала азҵаарақәа зегьы аҭак риҭоит», — иҳәеит  Ахвледиани.

Аҷара аиҳабыра ҧасатәи рнапхгаҩы Ҭорнике Рижваӡе амцабџьартә  ахәрала  ҧхынгәы  7 рзы аҳәышәтәырҭашҟа днаргеит. Ашьауҕатә ус хьацыркуп аҽшьранӡа анагара ахәҭаҷ ала. Рижваӡе иус иадҳәаланы даанкылоуп Амшынтә транспорт азы агентра ҧасатәи анапхгаҩы Алеқсеи Ахвледиани. Иара  гәцаракрада амцабџьар аҵәахра ихарарҵоит. Аҧкратә усмҩаҧгатә аҳасабала Ахвледиани  30 000 лари ашас ашәара иқәырҵан,  доурыжьҭит.