Қырҭтәыла агәабзиарахьчара аминистр  Михаил Сарџьвелаӡе Аконкуренциеи ахархәаҩцәа рзинқәеи рыхьчаразы агентра  ала афармацевтикатә 4 еилахәырак  ахараҧсақәа  рықәҵара афакт далацәажәеит.

Сарџьвелаӡе ишиҳәаз ала,  Агәабзиарахьчара аминистрра апациентцәа рзы ииашамкәа ахәқәа рышьақәыргылара компромиссда иаҿагылоит, азакәан аилагара ақәҿыҭразы аҭак зыҧхықәу иашьашәалоу астратуктурақәа ирыдҵаалоит.

«Рыцҳарас иҟалаз, афармацевтикатә сектор аҿы зегьы реиҳа идуу проблемоуп аконкуренциа аҟамзаареи хықәкыла ахәқәа рацҵареи.  Бжеиҳарала, ари апроцесс ҵаҵгәыркым. Аҵыхәтәантәи аамҭазы ари аҭагылазаашьа аиҕьтәразы имаҷымкәа зҵакы дуу ашьаҿақәа ҟаҵоуп. Анализ ишаҳнарбаз ала, ари ахырхарҭала аусура нагӡатәуп, апациентцәа ииашоу ахәқәа рхархәара алшара рымазароуп. Уи аҵакы ду амоуп.  Аҭҵаарақәа раан иаарҧшыз агхақәа хымҧада ириашатәуп», — иҳәеит Михаил Сарџьвелаӡе.

Аминистр иҳәамҭала, афармацевтикатә аалыҵ азы ахәқәа  рхылаҧшразы аусура нагӡахоит.

Аконкуренциеи ахархәаҩцәа рзинқәеи рыхьчаразы агентра  афармацевтикатә 4 еилахәырак аҧыжәаратә ҭагылазаашьақәа цәгьашақә рхархәаразы  560 000 лари ахараҧса рықәнаҵеит.