Аҭагылазаашьа алҵразы амҩақәа ҳанрылацәажәо, цқьа еилаҳкаароуп ари апроцесс ахәшьара ииаша шаҭатәу, ҳгәыҕрақәа иашазароуп, уи аҵакы ду амоуп. Ииашам агәыҕрақәа ҟамлароуп, уи ламысдароуп, – иҳәеит Қырҭтәыла агәабзиарахьчара аминистр Михаил Сарџьвелаӡе Диушен ичымазара зыхәшәтәуа ахәшәқәа раагара азҵаара даналацәажәоз.

Иара иажәақәа рыла, уажәазы ареалтә ҭагылазаашьа абареи ари азҵаара иазҿлымҳау аганқәа рҽалархәрала аусура анагӡареи ауп ихадоу.

„Ахәшәқәа ирыдҳәаланы аинтерес дула, агәыҕра дула азҵаарақәа зегьы рзы аҭак ҳазыҧшуп, европатәи атәылақәа арҭ ахәшәқәа раахәара ианалаго ҳазыҧшуп. Аганқәа зегьы ари азҵаара аҭакҧхықәра дула иазныҟәароуп, ирҳәо ажәа цыҧхьаӡа цқьа иазхәыцроуп. Ҳәынҭқаррак аӡбара аднакыларгьы, уи иаанагом Европа зегьы ари азҵааразы аҭак аиуит ҳәа, дара макьана ари апроблема шырыӡбаша иазхәыцуеит.

Уажәааны Швеицариа, Агәабзиарахьчара адунеитә ассамблеиаҿы ҳаҟан. Уаҟа иакымкәа аҳәынҭқаррақәа рхаҭарнакцәа сырҧылеит. Даргьы абри азҵаара иалацәажәоит. Европатәи атәылақәа азҵаарақәа зегьы рзы аҭак роуаанӡа аӡбарақәа рыдыркылом.

Хара имгакәа, аконкреттә ахәшәқәа ирыдҳәаланы аӡбарақәа рыдыркылап ҳәа сгәыҕуеит“,  – иҳәеит агәабзиарахьчара аминистр.