«Ҳара хықәкыс иҳамоуп Америка, Китаи, Евроеидгыла уҳәа атәыла дуқәа рҟны патуеиқәҵара ашьаҭала аконструктивтә аизыҟазаашьақәа рырҿиара. Ҳара иарбанзаалак адиалоги аусеицуреи ҳазыхиоуп, аха,  ҳтәыла аҳаҭыр абареи ииашаны азныҟәареи ҳаҳәоит. Ақырҭуа жәлар аультиматум абызшәеи, ашантажи, аршәареи рҽанраалараны иҟам», — иҳәеит Қырҭтәыла  ахада Михаил Ҟавелашвили  ЕАР Ассамблеиа Хада  80-тәи асессиаҿы данықәгылоз.

Михаил  Ҟавелашвили иажәақәа рыла, аиҳабыра имҩаҧырго апрогмативтә, арационалтә политика абзоуралоуп атәылаҿы аҭынчреи аекономикатә азҳареи ахьчара шрылшаз.

«Қырҭтәыла ЕАР Адекларациа ахадаратә принципқәа ирықәныҟәоит. Ҳара жәларбжьаратәи ауаажәларра аҭак зыҧхықәу алахәыла ҳауп.    Аиҳабыра имҩаҧырго апрогмативтә, арационалтә политика абзоуралоуп атәылаҿы аҭынчреи аекономикатә азҳареи ахьчара шҳалшаз, убри ала ҳтәылауаа рыҧсҭазаашьа еиҕьаҳтәит.  Қырҭтәыла аҿиараҿы адинамика бзиа шыҟоу шьақәдырҕәҕәоит адунеи иреиҕьу аиҿкаарақәа рреитингқәеи рпараметрқәеи», — иҳәеит Қырҭтәыла ахада ЕАР Ассамблеиа Хада 80-тәи асессиаҿы данықәгылоз.