Қырҭтәыла ахада Михаил Ҟавелашвили аусуратә визитла Казахстан аҳҭнықалақьаҿ, Астана дыҟоуп, уаҟа иара Арегионалтә аекологиатә саммит ихы алаирхәоит, – ари аинформациа аланарҵәеит Қырҭтәыла ахада иадминистрациа.

Дара рдыррақәа рыла, Астанатәи жәларбжьаратәи аҳаирабаҕәазаҿы Михаил Ҟавелашвили иҧылара аофициалтә церемониа мҩаҧган.

„Михаил Ҟавелашвили Казахстан аҧыза-министри,  адәныҟатәи аусқәа рминистри, Астана ахадеи дырҧылоит.

Қырҭтәыла ахада асаммит апленартә аилатәараҿы дықәгылоит.

Асаммит рхы аладырхәоит Казахстани, Киргизсани, Узбекистани, Таџьикистани, Туркменистани,Монголиеи, Шәамахьтәылеи рхадацәеи, Азербаиџьан аҧыза-министри.

Авизит аҳәаақәа ирҭагӡаны, Қырҭтәыла ахада Михаил Ҟавелашвли Казахстан ахада Касим-Жомарт Токаев диҧылоит.

Қырҭтәыла ахада аделегациа ицуп. Аделегациа иалоуп Қырҭтәыла аҧсабара ахьчареи ақыҭанхамҩеи рзы аминистр Давиҭ Сонҕулашвилии, Қырҭтәыла ахада иадминистрациа аиҳабы Қеҭеван Квиникаӡеи, Қырҭтәыла адәныҟатәи аусқәа рминистр лхаҭыҧуаҩ Алеқсандр Хвҭисиашвилии“, – иануп аинформациаҿы.