«Ателееилахәырақәа «Имеди»-и «ПостТВ»-и асанкциақәа рзышьақәыргылара  — аҵыхәтәантәи ашықәсқәа рзы иаабо, ииашамкәа Қырҭтәыла азныҟәароуп иаанаго», — илҳәеит Қырҭтәыла адәныҟатәи аусқәа рминистр Мака Боҷоришвили.

Лара лажәақәа рыла, аҵыхәтәантәи амшқәа рзы   «Қырҭтәыла иадҳәалоу иарбанзаалак» асанкциақәа азышьақәыргылара рҽазыркуан.

«Қырҭтәыла абаҕәаза асанкциақәа азышьақәдыргылар рҭахын, аха, уи рзыҟамҵеит, избанзар, уи азыҳәан изакәызаалак мзызк иҟам. Қырҭтәыла асанкциақәа рывсра аҧыхразы ахы иаднаҵаз аҧхықәрақәа зегьы нанагӡоит. Ателееилахәырақәа асанкциақәа рзышьақәыргылара ҳалацәажәозар, уигьы ухахьы иузаагом: ганкахьала ажәа ахақәиҭра иалацәажәоит, егьи аганахьала  — ателеканал иақәыҕәҕәоит, уи апопулиарра амоуп ҳәа ҿыҵгас иҟаҵаны. Уи Қырҭтәыла аганахьала ухахьы иузаамго, шьаҭак зҵам ажәылароуп», — илҳәеит  Боҷоришвили.

Иахьа аларҵәара зауз аинформациа инақәыршәаны, Британиа Ду  ателееилахәырақәа «Имеди»-и «ПостТВ»-и асанкциақәа рзышьақәнаргылеит.