Қырҭтәыла атәылауаа абри аҩыза ашьаҿақәа шыҟарҵо ахәаҧшра ҳцәыуадаҩуп, аха, атәыла аҧеиҧш азы иаҳа еиҕьуп ари апроцесс азинтә ахәшьара аҳҭар, — иҳәеит евроинтеграциа азҵаарақәа рзы апарламенттә комитет ахантәаҩы Леван Махашвили.

Иара иажәақәа рыла, аконкреттә уааҧсыра акыршықәса ирылагӡаны Қырҭтәыла амилаҭтә интересқәа ирҿагылаз аусура мҩаҧыргон.

«Апрокуратура аҵыхәтәантәи ашықәс азы ауаа ишиашо аефираҿ ирбаз апроцессқәа азинтә ахәшьара рнаҭоит. Маӡала иҟаҵаз анҵамҭақәа ҳрылацәажәозар, ари аинформациа ииашазар, уи иахьа апрокуратура имҩаҧнаго апроцессқәа шьақәнарҕәҕәоит.  Аконкреттә уааҧсыра акыршықәса ирылагӡаны Қырҭтәыла амилаҭтә интересқәа ирҿагылаз аусура мҩаҧыргон.  Иахьа абри зегьы лабҿаба иубарҭахеит. Ари апроцесс азинтә ахәшьара аҭатәуп, џьоукы рзы уи егьа иуадаҩзаргьы», — иҳәеит  Махашвили.

Ателеканалқәа руакы иаланаҵәаз анҵамҭаҿы апартиа  «Дроа» алидер Елене Хоштариеи апартиа «Гирчи» алидер Зураб Џьаҧариӡеи атәымуаа рҟынтә ироуз адҵақәа ирылацәажәоит, арратә ҟазшьа змоу аинформациа рыҭара азҵаарагьы уахь иналаҵаны.