«Америка Афинансқәа рминистрраҿ имҩаҧгаз аиҧылараҿы иаҵшьны иазгәаҭан арегионаҿ жәларбжьаратәи асанкциақәа рынагӡараҿы Қырҭтәыла зҵакы дуу ароль шынанагӡо», — иҳәеит Қырҭтәыла афинансқәа рминистр Лаша  Хуцишвили.

Иара иажәақәа рыла, Қырҭтәыла Афинансқәа рминистрреи Америка афинансқәа рминистрреи аусеицура аганахьала аҧышәа ду рымоуп.

«Ҳара зҵакы дуу азҵаарақәа зегьы ҳрылацәажәеит, жәларбжьаратәи афинанстә институтқәа рҿы Америкеи Қырҭтәылеи рпозициақәа реизааигәахара азҵаарагьы ҳазааҭгылеит, ишыжәдыруа еиҧш, администрациа ҿыц рхаан ари аганахьала ҳаизыҟазаашьақәа аҽеиҭакра иаҿуп. Иаҵшьны иазгәаҭан Қырҭтәыла априоритетқәеи Америка администрациа ҿыц рприоритетқәеи шеиҧшу. Ҳара аусеицура анагӡаразы ҳаиқәшаҳаҭхеит», — иҳәеит  Лаша Хуцишвили.

Қырҭтәыла афинансқәа рминистр иҳәамҭала, аиҧылараҿы жәларбжьаратәи асанкциақәа рынагӡаразы Қырҭтәыла иҟанаҵо ашьаҿақәагьы ирзааҭгылеит.

«Ишыжәдыруа еиҧш, Қырҭтәыла Афинансқәа рминистрра ари ахырхарҭала активла аус ауеит. Ҳара жәларбжьаратәи асанкциақәа ирыдҳәалоу азҵаарақәа зегьы ҳарзааҭгылеит.  Аиҧылараҿы иаҵшьны иазгәаҭан арегионаҿ жәларбжьаратәи асанкциақәа рынагӡараҿы Қырҭтәыла зҵакы дуу ароль шынанагӡо. Даҽазнык иаҵшьны иазгәаҭан Қырҭтәыла ари аганахьала ақәҿиара дуқәа шамоу. Ҳара аусеицуреи ари ахырхарҭала аусуреи анагӡаразы ҳаиқәшаҳаҭхеит», — иҳәеит Лаша Хуцишвили.