Азиатәи аҿиара абанк  (ADB) 59-тәи ашықәстәи аиҧылара аҳәаақәа ирҭагӡаны, Лаша Хуцишвили абанк альтернативтә анагӡаратә директор Лиза Раиҭ дылҧылеит. Ари аинформациа аланарҵәеит Афинансқәа рминистрра.

Аминистрра адыррақәа рыла, аиҧылара рхы аладырхәит афинансқәа рминистр ихаҭыҧуаҩ Екатерина Гунцаӡеи абанк альтернативтә анагӡаратә директор лыбжьагаҩ Евелин Лами.

„Аганқәа рхаҭарнакцәа Қырҭтәылеи Азиатәи аҿиара абанки рпартниорра иаҵанакуа азҵаарақәа ирылацәажәеит. Афинансқәа рминистр абанк альтернативтә анагӡаратә директор ҭабуп ҳәа леиҳәеит акыршықәса ирылагӡаны қәҿиарала аусеицуразы. Хшыҩзышьҭра рызун жәларбжьаратәи аҵакы змоу аинфраструктуратә проектқәа.

Аиҧылараҿы иаҵшьны иазгәаҭан  аструктуратәи, иара убас, аекономикатәи реформақәа рымҩаҧгараҿы Қырҭтәыла иҟоу алҵшәақәа. Иара убас, ишазгәаҭаз ала, Азиатәи аҿиара абанк наҟ-наҟгьы атәыла иацхраауеит аҧыжәара змоу аусхкқәа аҧара рзоушьҭрала. Азиатәи аҿиара абанк ашықәстәи аиҧылара мҩаҧган Узбекистан, Самарҟанд ақалақьаҿ“, – иануп Афинансқәа рминистрра аинформациаҿы.