Адәныҟатәи аусқәеи ашәарҭадара аполитикеи рзы Евроеидгыла Иреиҳаӡоу акомиссар Каиа Каллас лҳәамҭала,  Амшын еиқәа арегион Евроеидгылазы астратегиатә ҵакы амоуп, избанзар, уи Европеи Ацентртә Азиеи еиднаҳәалоит.

Каллас ишазгәалҭаз ала, Амшын еиқәа ашәарҭадара Европа ашәарҭадаразы аҵакы ду амоуп.

«Амшын еиқәа арегион Евроеидгылазы астратегиатә ҵакы амоуп, избанзар, уи Европеи Ацентртә Азиеи еиднаҳәалоит. Ари арегион ашәарҭадареи, ахәаахәҭреи, аенергетикеи  аганахьала аҵакы ду амоуп. Арегион атәылақәа Евроеидгылаҟны реизыҟазаашьақәа дырҕәҕәоит. Агеополитикатә аиҭакрақәа шымҩаҧысуа убарҭоуп.  Украинеи Молдовеи, иара убас, Қырҭтәылагьы ари амҩа иазыхынҳәыр,  Евроеидгыла алалара иазааигәахоит  Ҭырқәтәылагьы зҵакы дуу партниоруп,  акандидат-тәылоуп, аха, Урыстәыла имҩаҧнаго аибашьреи, аҳаиртә қәыҧшылара аилагареи, абаҕәазақәа ржәылареи ари арегион апотенциал иаҧырхагоуп», — илҳәеит  Каллас.