Қырҭтәыла аинвестициатә лагылазаара аманшәалара ибзиаӡаны иубарҭоуп иеиҭамҵуа амал аџьармыкьеи, асасдкылара аусхки, ирласӡаны аҿиара иаҿу аинформациатә технологиақәеи рҿы. Абарҭ афаторқәа зегьы рыбзоуралоуп аинвесторцәа ҳтәыла ишазҿлымҳау, – иҳәеит Қырҭтәыла аҧыза-министр Иракли Кобахиӡе, Адунеитә еиҳабырақәа рсаммит аҳәаақәа ирҭагӡаны, аинвестициақәа рҧеиҧш атемазы аишәа гежь аформатаҿ имҩаҧгаз аиҧылараҿы данықәгылоз. 

Иара иажәақәа рыла,  Қырҭтәыла аекономикатә политика агәрагара азаарҧшра аганахьала иҿырҧшыгоуп Eagle Hills ҳтәыла иаланаҵаз 6.6 миллиард адоллар аинвестициа.  

„Уи Қырҭтәыла иеиҭамҵуа амал аџьармыкьаҿ зынагӡара ҳалагаз  проектуп, заанаҵтәи аҭира алҵшәақәа ҳрыхәаҧшыр, лабҿаба иубарҭахоит иашьашәалоу аекономикатә субиектқәа зегьы Қырҭтәыла агәра шырго. Қырҭтәыла аинвестициатә лагылазаара аманшәалара ибзиаӡаны иубарҭоуп иеиҭамҵуа амал аџьармыкьеи, асасдкылара аусхки, ирласӡаны аҿиара иаҿу аинформациатә технологиақәеи рҿы. Абарҭ афаторқәа зегьы рыбзоуралоуп аинвесторцәа ҳтәыла изазҿлымҳау. Қырҭтәыла аенергетика аусхкыгьы аҧара алаҵара хырҳагара ду ахылҵуеит. Аҿҳәарабжьаратә аамҭазы афымца ааглыхра арбага  4800 мегаватт аҟынтә  12 500 мегаватт аҟынӡа аизырҳара ҳгәы иҭоуп. Ҳтәыла аӡытә ресурсқәа рыла ибеиуп, убри аҟынтә, ари аусхкы аҧара алаҵара абзоурала, аинвесторцәагьы атәылагьы ахырҳагара ду роуеит. Қырҭтәыла, аполитикатәи аекономикатәи аҿиара ахырхарҭала еилыкка иҳәаақәҵоу ахәаҧшыра амоуп. Ҳара аекономикатә усеицура ҳарҭбаар ҳҭахуп. Шәара шәҿаҧхьа гәахәарала сықәгылоит, абра иҟоу шәызынтәгьы Қырҭтәыла аинвестициақәа алаҵара шәАбжьазгоит“, – иҳәеит Иракли Кобахиӡе.  

Апанельтә дискуссиа рхы аладырхәит еиуеиҧшым атәылақәа рхадацәеи, аҧыза-министрцәеи, аминистрцәеи, идуу жәларбжьаратәи акорпорациақәа рнапхгаҩцәеи.