«Илауҵо ауп иааурыхуа ҳәа рымҳәои. Евроеидгыла иҟанаҵоз зегьы, жәларбжьаратәи азин астандартқәа шеиланагоз, абри зегьы шьҭахьҟа иазыхынҳәит», — иҳәеит Қырҭтәыла аҧыза-министр Иракли Кобахиӡе.

Кобахиӡе Америка Аҳәынҭқарратә департамент ҧасатәи еврокомиссари даҽа хаҿқәаки ирзышьақәнаргылаз авизатә аҧкрақәеи Каиа Каллас уи иазкны иҟалҵаз аҳәамҭеи иадҳәаланы азҵаара ирҭеит.

Кобахиӡе иҳәамҭала, Евроеидгыла ииашамыз атактика иара ахаҭа иаҧырхагахеит.

«Ҳәарада, ари атактика ииашамызт, уажәы ари атактика Евроеидгыла иазыхынҳәит, ҳара ҳзы уи аинтерес ду аҵоуп. Евроеидгыла ахаҭарнакцәа ари азҵаара иадҳәаланы ргәынамӡара анаадырҧшуа, уигьы ҳара ҳзы аинтерес аҵоуп», — иҳәеит Иракли Кобахиӡе.

Евроеидгыла иреиҳаӡоу ахаҭарнак Каиа Каллас  ҧасатәи еврокомиссари даҽа хаҿқәаки авизатә аҧкрақәа рзышьақәыргылара иазкны илҳәеит: «Европа атәылауааи амаҵзуҩцәеи авизатә аҧкрақәа рзышьақәыргылара иазкны Америка иаднакылаз аӡбара ҳақәшаҳаҭым, уи ҳсуверинитет аилагароуп иаанаго».