Китаи имҩаҧысуа Аимпорт жәларбжьаратәи 8-тәи ацәыргақәҵа аханатәгьы ишьақәгылеит ахәаахәҭра арҭбаареи, апартниорра ацхраареи, аинновациатә аӡбарақәа рӡыргареи рзы зҵакы дуу платформас, – иҳәеит Қырҭтәыла аҧыза-министр   Иракли Кобахиӡе Китаи имҩаҧысуа Аимпорт жәларбжьаратәи ацәыргақәҵа аартра ацеремониаҿы данықәгылоз.

Аиҳабыра рнапхгаҩы ишазгәеиҭаз ала, ари ацәыргақәҵа иаҳа иаарту, иҭышәынтәалоу аглобалтә економика аҿиара иацхраауеит.

„Ари ацәыргақәҵа лабҿаба иаанарҧшуеит Китаи, алшара ҿыцқәа раҧҵарала,  жәларбжьаратәи аусеицура арҭбаареи  азеиҧш азҳареи ишацхраауа. Китаии Қырҭтәылеи  аатуеиқәҵареи агәреибагареи рышьаҭала  ишьақәгылаз аусеицура рыбжьоуп. Астратегиатә партниорра ашьақәыргылара абзоурала, ҳаизыҟазаашьақәа рҿы аетап ҿыц иалагеит.  Ҳара ҳхықәкқәа еиҧшуп, аҭынчреи, аҭышәынтәалареи, мышхәыбзазареи  реиқәыршәара ҳазҿлымҳауп, ҷыдала –  „Маҟак мҩак“ аинициатива аҳәаақәа ирҭагӡаны.  Европеи Азиеи рыбжьара астратегиатә аимадара аиқәыршәараҿы Қырҭтәыла ароль иаҳа-иаҳа иазҳауеит, Китаи аус ацура алҵшәа бзиақәа ахылҵит ахәаахәҭреи, аинфраструктуреи, аинвестициақәеи русхкқәа рҿы, ари аусеицура  алшара ҿыцқәа ҳнаҭоит, ҳекономикатә ҭагылазаашьа арҕәҕәоит“, – иҳәеит Иракли Кобахиӡе.