«Шәара шәызынтәгьы шәџьабаа дуи, шәпатриотизми,  шәиааирақәа доусы иҳазцәырыгаз иузхамшҭуа ацәаныррақәеи рзы ҭабуп ҳәа шәасҳәар сҭахуп», —  иҳәеит Қырҭтәыла аҧыза-министр Иракли Кобахиӡе 2025 шықәсазы иреиҕьу аспортсменцәа анашьамҭақәа рыҭара ацеремониаҿы данықәгылоз.

Иара иажәақәа рыла, аспортсмен цыҧхьаӡа жәларбжьаратәи аренаҿ Қырҭтәыла иреиҕьу ацҳаражәҳәаҩуп.

«Сынтәа аҭоурыхтә алҵшәақәа ҳаман, дарбанзаалак аӡәы иалкаареи иреиҕьу аспортсмен иалхреи ҳцәыуадаҩуп, аха, иахьатәи амш абри ауп изызку. Аиааирагаҩцәеи аноминантцәеи заанаҵы ирыдысныҳәалар сҭахуп. Ақәҿиара змоу аспортсмен цыҧхьаӡа ҳҿар рзы дҿырҧшыгоуп. Дара рызынтәгьы ҷыдала ҳрызгәдууп, аспортсмен цыҧхьаӡа жәларбжьаратәи аренаҿ Қырҭтәыла иреиҕьу ацҳаражәҳәаҩуп.  Ақырҭуа спортсменцәа рахь ҳәаа змам абзиабара ҷыда ҳамазароуп, уи зегьы еилыркаароуп. Иааиуа Ашықәс Ҿыц шәыдысныҳәалар сҭахуп. Иара убас, иааигәахо Қьырсеи Ашықәс Ҿыци рыдысныҳәалоит ҳспортсменцәеи, азыҟаҵаҩцәеи, аҳақьымцәеи, атехникатә персонали   — ақырҭуа спорт ақәҿиарақәа зыбзоуроу ауаа зегьы ишәыдысныҳәалоит. Шәара шәызынтәгьы шәџьабаа дуи, шәпатриотизми,  шәиааирақәа доусы иҳазцәырыгаз иузхамшҭуа ацәаныррақәеи рзы ҭабуп ҳәа шәасҳәар сҭахуп. Иааигәахо Қьырса ныҳәеи Ашықәс Ҿыци шәыдысныҳәалоит, наҟ-наҟ ақәҿиара дуқәа шәзеиҕьасшьоит», — иҳәеит аҧыза-министр.