«Амчылара иалахәыз ауааҧсыра зегьы ацәгьаура ҟарҵеит – аҳәынҭқарратә аарҳәра аҽазкра иалахәын, ҳәарада,  иааиуа амшқәа рзы арҭ ауаа «асиурпризқәа» рзыҧшуп, — иҳәеит Қырҭтәыла  премьер-министр Грузии Ираклий Кобахидзе.

Иара иажәақәа рыла, азинхьчаратә органқәа азакәан анагӡаразы аамҭа рацәа рҭаххом.

«Ҳара  30ҩык иреиҳаны амчылаҩцәа раанкылара ҳақәшәоит ҳәа ҳгәы иаанагон, ишыжәбо еиҧш,  ҳиашан,  уажәы ацәгьауцәа раарҧшразы иаҳа ирацәаны аресурсқәа ҳамоуп. Убри аҟынтә,  аҳәынҭқарратә аарҳәра аҽазкра иалахәыз ауаа зегьы иаҳа иџьбароу ахьырхәра роуеит. Амчылара афактқәа иҟан  — ахәышәтәырҭақәа рахь инагоуп  15ҩык аполицаицәеи фҩык адемонстрантцәеи. Уи иҳанаҳәо рацәоуп. Ари амчылара ауаа рацәа иалахәын,  аконкреттә хаҿқәа ахьырхәра роуеит. Жьҭаара 5 ааит,  аиҳабыра рыхҳәара аҽазкра алҵшәа ахылымҵит. Ҳазынтәгьы Қырҭтәыла ҳаҟоуп,  Биӡина Иванишвилигьы Қырҭтәыла дыҟоуп. Ҳусқәа зегьы маншәалахоит. Ҳтәылаҿы хымҧада аҭынчра ҟалоит,  аҿиара нагӡахоит. Атәым маҵзура ҷыдақәа ҳтәыла иаҿагыланы еиҿыркааз акциа иалахәыз ауаа зегьы  аҭак ҕәҕәа роуеит. Қырҭтәыла – атәым маҵзура ҷыдақәа аиҳабыра рыхҳәара ахьрылшо ҳәынҭқаррам», — иҳәеит  Кобахиӡе.