Қырҭтәыла, иарбанзаалак ателееилахәырак аганахьала ахақәиҭра азин еилагахом, «Имеди»-и «POS-TV»-и уахь инрылаҵаны, – иҳәеит Қырҭтәыла аҧыза-министр Иракли Кобахиӡе ажурналистцәа данрацәажәоз.

Ателеканал «Формула» ажурналист аҧыза-министр диазҵааит британиатәи асанкциақәа рымшала егьырҭ ателееилахәырақәа  «Имеди»-и «POS-TV»-и аус рыцура нарыгӡома ҳәа. Аиҳабыра рнапхгаҩы иҳәамҭала, ателееилахәырақәа зегьы зыӡбахәы ҳәоу ателеканалқәа аус рыцура нарыгӡароуп.

«АИХқәеи анаплакҩцәеи рхадаратә хақәиҭрақәа рыхьчаразы иаҭаху зегьы ҟаҳҵоит, абарҭ азинқәа роуп ҧасатәи анапхгара зегьы реиҳа еиларгоз. Ҳара шәара шәинтересқәа ҳахьчоит, жәаҳәарада, ателеканалқәа  «Имеди»-и «POS-TV»-игьы ҳреиҷаҳауеит.   2012 шықәсанӡа иҟаз аҭагылазаашьа еиҧшымкәа, уажәы АИХқәа рхақәиҭра азини амедиаплиурализми еиқәыршәоуп, 2012 шықәсанӡа ус иҟамызт. Абасоуп ҳара АИХқәа ҳашреиҷаҳауа», — иҳәеит аҧыза-министр.