Агеографиа иаҳа-иаҳа аҵакы анаиуа афаза ҳҭагылоит, аҭышәынтәалара аиндаҭларатә ҧыжәарас иҟалоит, аизыҟазаашьақәа рыхьчара агәырҵҟәыл аекономикатә хымҧадарахоит, – иҳәеит Қырҭтәыла аҧыза-министр Иракли Кобахиӡе Адунеитә еиҳабырақәа рсаммит аҿы данықәгылоз.

Иара иажәақәа рыла, иахьа адунеи акоммерциатә маршрутқәа аџьармыкьатә економика иубарҭам анапала акәымкәа, агеополитикатә аҭаџкәым ҕәҕәала рҽырыҧсахуеит.

„Аҵыхәтәантәи ашықәсқәа рзы аглобалтә ахәаахәҭра иахьыз ҳахәаҧшып. Ианаамҭаз Европеи Азиеи рыбжьара  қәҿиарала атауар мҩанызгоз Аҩадатәи корридорқәа  Украина имҩаҧысуа аибашьра амшала азарал ду роуит; жәашықәсала идыргылоз аиқәыршәаратә даҷқәа мышкала еилаҳаит; зеффективра азҳауаз абизнесқәа, иаалырҟьаны, аҽеиқәырхара арежим иҭагылеит.

Мрагыларашҟа ҳаҧшыр, лабҿаба иаабоит  аҳәынҭқарра дуқәа рыбжьара иҟоу аибарххара ҕәҕәа амшала Аокеан ҭынч ахәаахәҭратә маршрутқәа иаҳа-иаҳа аполитикатә ашьҭа шроуа. Атарифқәа, асанкциақәа, астратегиатә аиҿагыларақәа, ҧаса адунеиаҿ зегьы реиҳа иҕәәҕаз акоммерциатә еизыҟазаашьақәа уҳәа, абри зегьы агеополитикатә аиҿагыларас иҟалеит. Атрадициатә  партниорцәа зегьы зеиҧшҟамлац аимак рыбжьалеит. Ахәаахәҭратә аимакқәеи аполитикатә аиҿагыларақәеи рымшала, ҧаса иҭышәынтәалаз аизыҟазаашьақәа иҧсыҽхеит.

Уи ҧаса иаабоз аекономикатә глобализациа акәӡам.   Уажәы агеографиа иаҳа-иаҳа аҵакы анаиуа  актәи афаза ҳҭагылоит, аҭышәынтәалара аиндаҭларатә ҧыжәарас иҟалоит, аизыҟазаашьақәа рыхьчара агәырҵҟәыл  адипломатиатә  ҟазшьа ацәыӡуеит, уи  аекономикатә хымҧадарас иҟалоит“, – иҳәеит аҧыза-министр.