«Адебатқәа хықәкык ауп ирымоу  — ауааҧсыра аиаша раҳәара, – адебатқәа аҵакы ду рымоуп, избанзар, ауаа аиаша раҳәаразы аресурсқәа иаҳа ирацәоуп», — иҳәеит Қырҭтәыла аҧыза-министр Иракли Кобахиӡе Қырҭтәыла Актәи аканалаҿ имҩаҧысраны иҟоу адебатқәа данрылацәажәоз.

Кобахиӡе иажәақәа рыла, адебатқәа анырра ду рымоуп.

«Адебатқәа ателееилахәыраҿ имҩаҧысуеит. Ҳара ари аформат ҳазыхиоуп, ҳуааҧсыра аиаша рдыруазар ҳҭахуп. Ҳара, амонолог арежимаҿ ҳпозициа ҳалацәажәоит, иахьа апресс-конференциа аформатаҿ сцәажәоит, аха, адебатқәа аҵакы ҷыда рымоуп, избанзар, ауаа аиаша раҳәаразы аресурсқәа иаҳа ирацәоуп, ирҳәо ҳбап. Арҭ ауаа ишиашоу агәра ҳдыргар, ҳпозициа аиҭахәаҧшра ҳазыхиоуп, уи изныкымкәа иҟаҳҵахьеит. Аха, ҳара ҳашиашоу рбар, иазхарҵааит.  Иара убас, иаҵшьны иазгәасҭар сҭахуп адебатқәа рылахәызаара иақәшаҳаҭхаз ауаа рзы алиберал-фашисттә жәылара шымҩаҧысуа. Арадикалтә оппозициа зегьы, иҳәынҭқарратәым аиҿкаарақәагьы арҭ ауаа ирҿагылеит, адебатқәа рахь имнеир  рҭахуп, аха,  агәымшәара аарҧшны, иааип ҳәа сгәыҕуеит», — иҳәеит  Кобахиӡе.

Ҧхынҷкәын  4 асааҭ 22:00 рзы, Қырҭтәыла Актәи аканалаҿ, Қырҭтәыла адәныҟатәи аусқәа ҧасатәи рминистр Михаил Џьанелиӡеи атәылахьчара ҧасатәи аминистр Ҭинаҭин Хидашелии аҧыза-министр Иракли Кобахиӡеи апарламент ахантәаҩы Шьалуа Папуашвилии рҟны адебатқәа рхы рыладырхәоит.