«Рыцҳарас иҟалаз, авиаамашәыр ашьҭахь хымш ирылагӡаны, ари арыцҳара иадҳәаланы  хшыҩҵак зҵам аверсиақәа рыда Урыстәылантә акгьы ҳмаҳаит», — иҳәеит Азербаиџьан ахада  Ильҳам Алиев.

Алиев ишазгәеиҭаз ала, апилотцәа рфырхаҵара абзоурала, аҳаирплан акорпус хәҭак имблит, иара иажәақәа рыла, уи алагьы ишьақәырҕәҕәоуп ари аҳаирплан Урыстәыла ишканажьыз.

«Апилотцәа апрофессионализми афырхаҵара дуи аадырҧшит. Дара аҧышәа ду рыман, ишҭахоз рдыруан, аха, апассаџьырцәа реиқәырхаразы афырхаҵара дуӡӡа аадырҧшит. Уи абзоуралоуп апассаџьырцәа рыхәҭак шеиқәхаз, урҭ рыбзоуралоуп аҳаиплан хәҭак ишымблыз, абри зегьы ашьаҭала, иааҧҵәаны иаҳҳәар ҳалшоит аҳаирплан Урыстәыла ишканажьыз.

Урыстәыла аофициалтә структурақәа  аҳаирпланаҿ агазтә баллон ҧжәазшәа амц рҳәеит, уи даараӡа ҳгәы ҳнархьит.

Дара хықәкыла акәӡам аҳаирплан ишеихсыз. Ҳара Урыстәыла аҳәарақәа азықәҳаргылеит. Раҧхьа иргыланы, Азербаиџьан аҿаҧхьа аҭамзаара шьҭарҵароуп. Насгьы, ари арыцҳара дара ишырхароу иазхарҵароуп. Ахҧатәи – изхароу ауаа зегьы ахьырхәра роуроуп, ашьауҕатә ҭакҧхықәра рыдҵатәуп. Апассаџьырцәа зегьы, иара убас, аекипажгьы рҭаацәарақәа акомпенсациа рырҭароуп. Абарҭ аҳәарақәа роуп иҳамоуп. Актәи аҳәара иацы инарыгӡеит. Егьырҭ аҳәарақәагьы нарыгӡап ҳәа ҳгәыҕуеит. Аҳәарақәа зегьы ииашоуп, урҭ жәларбжьаратәи аҧышәеи анормалтә ауаҩытәыҩсатә хымҩаҧгашьа апринципқәеи рышьаҭала иҟаҵоуп», — иҳәеит  Алиев.