Қырҭтәыла аҧыза-министр Иракли Кобахиӡе Азербаиџьан ахада Ильҳам Алиев диҧылеит. 

Ишиашоу аформатаҿ имҩаҧгаз аиҧылараҿы иаҵшьны иазгәаҭан ҩ-тәылак рыбжьара ишьақәгылаз астратегиатә партниорра аҩаӡара ҳараки еиуеиҧшым аусхкқәа рҿы қәҿиарала имҩаҧысуа аусеицуреи. 

Хшыҩзышьҭра азун аекономикатә аимадарақәа рырҭбаара азҵаареи, ари аганахьала Қырҭтәыла-Азербаиџьантәи аекономикатә усеицура аиҳабырабжьаратә комиссиа инанагӡо ароли. Акомиссиа анеҩстәи аилатәара хара имгакәа Қырҭтәыла имҩаҧысуеит.  

Аганқәа рхаҭарнакцәа ҷыдала иазааҭгылеит арегионаҿ аҭынчра аҵакы. Аиҳабыра рнапхгаҩы ишиҳәаз ала, Қырҭтәыла, Азербаиџьани Шәамахьтәылеи рыбжьара имҩаҧысуа адиалог иазыразуп, уи арегион аҭышәынтәалареи аҿиареи азыҳәан зҵакы дуу шьаҿоуп. 

Иара убас, аганқәа рхаҭарнакцәа, Ааигәатә Мрагылараҿ аҭагылазаашьа иалацәажәеит. Иаҵшьны иазгәаҭан аҭагылазаашьа адеескалациеи аҭынчра аиҭашьақәыргылареи азыҳәан адипломатиатә ҽазышәарақәа рхымҧадара.