«Украина MAP ада адкылара алшаразы аконсультациақәа мҩаҧысуеит, агәра ганы сыҟоуп асаммитаҿ Украина иадҳәаланы ацҳамҭа ҕәҕәа шыҟаҳҵо», — иҳәеит НАТО амаӡаныҟәгаҩ хада Иенс Столтенберг Литва ахада Гитанас Науседеи иареи еицымҩаҧыргаз апресс-конференциаҿы.

«Осло имҩаҧгаз иформалым аиҧылараҿы сара апакет ҿыц рыдазгалеит, уи 3 елементк рыла еиқәыршәоуп. Актәи – апрактикатә цхыраара апрограмма иҟазароуп, украинатәи амчқәа НАТО амчқәа ирышьашәалазароуп.  Аҩбатәи – Украина-НАТО ахеилак аҧҵара. Ахҧатәи –  Украиназы Алианс алаларазы ауснагӡатәқәа рплан аҧыхра. Ҽакала иаҳҳәозар, Украиназы ари апроцесс 2 етапк рыкәымкәа, етапкала ишьақәгылоит.  Уажәы ари апакет ҳахәаҧшуеит, арҭ акомпонентқәа рзы ҳаиқәшаҳаҭхар ҳҭахуп.  Агәра ганы сыҟоуп асаммитаҿ Украина иадҳәаланы ацҳамҭа ҕәҕәа шыҟаҳҵо», — иҳәеит Иенс Столтенберг.