Европа Ахеилак ҧхынҷкәын 19 рзы имҩаҧгаз асаммит аихшьаала цәырнагеит, уаҟа Қырҭтәылагьы иалацәажәоит.

Европа Ахеилак даҽазнык иаҵшьны иазгәанаҭеит ақырҭуа напхгара иҟарҵо ашьаҿақәа ишаргәамҵуа, избанзар, арҭ ашьаҿақәа Евроеидгыла изықәгылоу апринципқәа ирҿагылоит.

Ахеилак агәынамӡара аанарҧшит Евроеидгыла алалара иазку аиҿцәажәарақәа  2028 шықәсанӡа раанкылара иазкны Қырҭтәыла аиҳабыра ирыдыркылаз аӡбара иадҳәаланы.

„Европа Ахеилак аҭынчратә демонстрантцәеи, аполитикцәеи, АИХқәа рхаҭарнакцәеи  рганахьала амчылара ҕәҕәала иақәыӡбоит. Қырҭтәыла анапхгара аизарақәа рзы азин пату ақәҵаны, амч ахархәара аҟынтә рҽааныркылароуп. Амчылара афактқәа зегьы шьаҭанкыла иҭҵаатәуп, изхароу ауаа аҭакҧхықәра рықәҵатәуп.

Қырҭтәыла аиҳабыра уажәтәи ахырхарҭа рыҧсахыр, Евроеидгыла Қырҭтәыла евроинтеграциа иадгылоит“, — иануп аҳәамҭаҿы.