2025 шықәса мшаҧы 30 рзы, Европа Ахеилак аминистрцәа рхаҭыҧуаа ркомитет 1527-тәи аилатәараҿы, Европа Ахеилак амаӡаныҟәгаҩ хада 31-тәи иҳасабырба  „Аимак Қырҭтәылаҿы“ иахәаҧшит.   Аилатәара ихы алаирхәит Қырҭтәыла адәныҟатәи аусқәа рминистр ихаҭыҧуаҩ Лаша Дарсалиа.

Қырҭтәыла Адәныҟатәи аусқәа рминистрра адыррақәа рыла, аҳасабырбаҿы иарбоуп Урыстәыла ала импыҵахалоу Қырҭтәыла арегионқәеи ампыҵахалатә цәаҳәа иаҧну аҵакырадгьылқәеи рҿы ашәарҭадареи, ауаҩы изинқәа рыхьчареи  аганахьала иҟоу аҭагылазаашьеи агуманитартә проблемақәеи.

31-тәи аконсолидациатә аҳасабырба цәыригеит Европа Ахеилак амаӡаныҟәгаҩ хада Ален Берсе.

„Иара Қырҭтәыла имҩаҧнаго аҭынчратә политика ибзианы дахцәажәан, даҽазнык ишьақәирҕәҕәеит Европа Ахеилак, ахатә мандат аҳәаақәа ирҭагӡаны, ари ахырхарҭала аусура  шынанагӡо.

Амаӡаныҟәгаҩ хада Қырҭтәыла импыҵахалоу арегионқәа рҿы аҭагылазаашьа цәгьа дақәыӡбан, агәынамӡара ааирҧшит зыӡбахәы ҳәоу арегионқәа рҿы жәларбжьаратәи агуманитартә механизмқәа русура аҧкра иадҳәаланы.

Қырҭтәыла Адәныҟатәи аусқәа рминистрра Европа Ахеилак амаӡаныҟәгаҩ хада  31-тәи иҳасабырба иазыразуп, аминистрра иаҵшьны иазгәанаҭоит  Европа Ахеилак аполитикатә усхәаҧштә аҿы ари азҵаара ааныжьра аҵакы ду шамоу“, – иануп Қырҭтәыла Адәныҟатәи аусқәа рминистрра аинформациаҿы.