Қырҭтәыла аҧыза-министр Иракли Кобахиӡе, Европа аполитикатә аидгыла асаммит аҳәаақәа ирҭагӡаны, Словакиатәи ареспублика аҧыза-министр Роберт Фицо диҧылеит.

Словакиа аҧыза-министр Иракли Кобахиӡе апарламенттә алхрақәа рҿы анапхгаратә гәыҧ аиааира идиныҳәалеит.

Аиҧылараҿы хшыҩзышьҭра азун еиуеиҧшым аусхкқәа рҿы ҩ-ганктәи аизыҟазаашьақәа рҿиараҿы иҟоу адинамика бзиа, аганқәа рхаҭарнакцәа апартниорра арҭбаара ишазыхиоу иазгәарҭеит.

Аҧыза-министр Иракли Кобахиӡе словакиатәи иколлега ҭабуп ҳәа иеиҳәеит Қырҭтәыла европатәи евроатлантикатәи интеграциа апроцесс ҕәҕәала адгыларазы.

Аиҳабыра рнапхгаҩы ишазгәеиҭаз ала, европатәи аинтеграциа атәыла адәныҟатәи аполитика априоритетқәа иреиуп, ари апроцессаҿ апартниорцәа рҟынтә адгылара аҵакы ҷыда анашьоуп.

Иара убас, аганқәа рхаҭарнакцәа асектортә усеицуреи, ахәаахәҭра-економикатә хырхарҭала иҟоу апотенциали, атуризм адгылареи иалацәажәеит.

Аҧыза-министр словакиатәи иколлега аофициалтә визитла Қырҭтәылаҟа дааиҧхьеит.