Азакәанпроект инақәыршәаны, аҳәаанырцәтәи агрант аиуразы аиҳабыра рықәшаҳаҭра ма аиҳабыра ирхаҭарнаку ахаҿы иқәшаҳаҭра аҭаххоит. Ақәшаҳаҭрада агрант аиура иқәиҭымхоит, уи аҭакҧхықәра ацуп. Иахьа Абиуро аилатәараҿы ицәыргаз «Агрантқәа ирызку» азакәан иашьашәалоу аҧсахрақәа алагалоуп. Аҧсахрақәа инрықәыршәаны, аиҳабыра рҟынтә агрант агаразы ақәшаҳаҭра аиуразы ишьақәгылахоит жәамштәи аҿҳәара.

Аиҳабыра рыӡбара азашшра ари аӡбара амч ааннакылом.

Азакәанпроект инақәырәшаны, агрантқәа рыҭареи рыдкылареи апроцесс иахылаҧшуеит Антикоррупциатә биуро.

Иқәиҭыму агрант аиура иацу ахараҧса агрант ахаҭа аасҭа ҩынтә еиҳауп.

Ари аинициатива аҷыдалкаа амоуп. Аиҳабыра рықәшаҳаҭра аҭахым жәларбжьаратәи аспорттә ассоциациақәеи, афедерациақәеи, акомитетқәеи рҟынтә агратқәеи,  Қырҭтәыла анҭыҵ аҵара аиура ма аҵарадырратә усура иазку хазхаҭалатәи астипендиақәеи, иара убас, Қырҭтәыла аус зуа жәларбжьаратәи аиҿкаарақәа ргрантқәеи раиуразы.