Қырҭтәыла аҧыза-министр Иракли Кобахиӡе ОБСЕ амаӡаныҟәгаҩ хада Феридун Синирлиоҕлу диҧылеит.

Аиҧылараҿы ОБСЕ аҟны аусеицуреи, арегионаҿ аҭагылазаашьеи, Қырҭтәыла аҿаҧхьа иқәгылоу апроблемақәеи ирылацәажәеит. Аҧыза-министр ОБСЕ амаӡаныҟәгаҩ хада Қырҭтәыла ивизити аусеицура ҕәҕәеи азы ҭабуп ҳәа иеиҳәеит.

Даҽазнык иаҵшьны иазгәаҭан Қырҭтәыла адемократиатә принципқәеи, ауаҩытәыҩса изинқәеи, азакәан ахадареи ишазгәыку.

Аганқәа рхаҭарнакцәа Қырҭтәыла импыҵахалоу аҵакырадгьылқәа рҿы аҭагылазаашьагьы иазааҭгылеит. Ишазгәаҭаз ала, ақырҭуа аган,  Женеватәи жәларбжьаратәи аиҿцәажәарақәеи Аинцидентқәа рпревенциеи рықәҿыҭреи амеханизми рҿы ОБСЕ алахәызаара иҳаракны ахә ршьоит. Даҽазнык иаҵшьны иазгәаҭан Қырҭтәыла аиҳабыра аҭынчратә политика амҩаҧгара шынарыгӡо.

Аиҳабыра радминистрациаҿы имҩаҧгаз аиҧылараҿы хшыҩзышьҭра ҷыда азун Аахыҵ Кавказаҿ аҭынчреи аҭышәынтәалареи аҵаки, ари аганахьала Қырҭтәыла аҽазышәарақәеи. Ишазгәаҭаз ала, ОБСЕ европатәи ашәарҭадара архитектура иазку адиалог азы аплатформа хадас иаанхароуп.