Апенитенциартә маҵзура ҷыда Мзиа Амаҕлобели илыдҳәаланы аҳәамҭа аланарҵәеит.

Аҳәамҭа ишану ала,  аполитикатә гәыҧқәеи АИХқәеи ахара зду Мзиа Амаҕлобели лгәабзиара аҭагылазаашьа цәгьахазшәа, Апенитенциартә маҵзура ҷыда ари азҵаара хшыҩзышьҭра анамҭоушәа ииашам аинформациа аладырҵәоит.

«Ажәлар рзы аилыркаарақәа ҟаҳҵар ҳҭахуп. Ахара зду М.А. лгәабзиара еиқәыршәоуп иашьашәалоу амедицинатә маҵзура ала. Азакәанҧарала иазҧхьагәаҭоу амедицинатә маҵзурақәа зегьы еиҧҟьарада илоуеит.

Ахара зду М.А. амедицинатә персонал илхылаҧшуеит. Лара, лшәарҭадара аиқәыршәара амзызла,  авидеоацклаҧшра асистемала еибыҭоу акамераҿ дыҟоуп.

Ахара зду лаанкылара аҭагылазаашьақәа Апенитенциартә закәанеидкыла анормақәа ирышьашәалоуп.

Аполитикатә гәыҧқәеи АИХқәеи рахь ааҧхьара ҟаҳҵоит ииашам,  имцырку аинформациа аладмырҵәарц, ҳмаҵзура адискредитациеи ауаа ржьареи иаҟәыҵырц», — иануп аҳәамҭаҿы.