ЕАШ абжьыҭира апроцесс ихыркәшоуп. Иалагеит абжьқәа рыԥхьаӡара апроцесс.

Заанаҵтәи аинформациала, Асенат аҿы ареспубликатәи партиа ахаҭарнакцәа 45 ҭыԥ роуит, адемократцәа – 43. Ахаҭарнакратә палатаҿ ареспубликатәи партиа ахаҭарнакцәа 168 ҭыԥ, адемократцәа – 104.

ВВС адыррақәа рыла, ЕАШ абжьаратә алхрақәарҿы аԥхьагылара рымоуп ареспубликатәи партиа ахаҭарнакцәа. Техас аштат аҿы аԥхьагылара имоуп ареспубликатәи партиа ахаҭарнак, Флоридаҿгьы ареспубликатәи партиа ахаҭарнак иоуп аиааира згаз. Макьана идырым Аризона иҟоу аҭагылазаашьа.

Ателеканал CBS апрогнозқәа рыла, ахаҭарнакратә палатаҿ аиҳара ареспубликатәи партиа ахаҭарнакцәа рыла ишьақәгылар ҟалап. Иахьазы аконгресс аҩпалатак рҿы аиҳара адемократцәа рымоуп.

ЕАШ атәылауаа Ахаҭарнакратә палата 435-ҩык алахәылацәеи Асенат 35-ҩык алахәылацәеи иалырхроуп. Иара убас 36 штатқәа рҟны агубернатоцәа алырхуеит.