Доха, Катар Адунеи Ахраҿа аетап мҩаҧысит.  Адисциплинақәа руакы аҿы аҳамҭаҭара ацеремониа аан урыстәылатәи агимнаст  Иван Кулак  ишәыз аформаҿы,  амилаҭтә бираҟ ацынхәрас адырга  «Z» адиҷаплеит. Ари асимвол иахьа Украина иажәыло аурыс танкқәа ирнуп.

20 шықәса зхыҵуа урыстәылатәи атлет ихымҩаҧгашьа ҩынтә иаҳа апровокациатә ҟазшьа аман, избанзар, апиедестал аҿы уи ивара дгылан  ахьтәы медал згаз аукраин  Илиа  Ковтун,   Кулак ахҧатәи аҭыҧ ааникылеит.

Агимнастиказы жәларбжьаратәи афедерациа  урыстәылатәи беларустәи аспортсменцәа жәларбжьаратәи аицлабрақәа рылахәазаара азин рнаҭеит,  аха абираҟи ахьыӡрашәеи рыда.

Путин идгыло аполитикцәеи активистцәеи аҵыхәтәантәи амшқәа рзы лассы-лассы ицәырҵуеит адырга  «Z» зну аҿаҳәагақәа рыла. Убри ала дара аибашьра ишадгыло аадырҧшуеит. Зыӡбахәы ҳәоу адырга зну амаҭәа рҭиуеит Кремль аҧара ззоунашьҭуа ателеканал  Russia Today аҿы.