Урыстәылеи Украинеи рыбжьара аиҿцәажәара нагӡахароуп, Москва Киев ажәалагалақәа рзы ахатә реакциақәа аанарԥшуеит, ԥхьаҟа иҟаҳҵаз шьаҿақәак иҟоуп, – урыстәылатәи аихқәардыррақәа рыла, ари атәы ааицҳаит Урыстәыла Адәныҟатәи аусқәа рминистр Сергеи Лавров индиатәи иколлега Субраҳманиам Џьащинкар иҟны аиԥылара ашьҭахь имҩаԥгаз апессконференциа аҿы.

„Аиҿцәажәара нагӡахароуп. Аҩбатәи аган Сҭамԥыл имҩаԥгаз аиҿцәажәарақәа аҵыхәтәантәи рраунд иадҳәаланы иҟарҵаз аҳәамҭақәа шәаҳаит, украинатәи аган раԥхьаӡа акәны абӷьыц аҿы аиқәшаҳаҭра иазкны иҩны аанарԥшит рхатә позициа “, -иҳәеит Лавров.

Лавров иҟаиҵаз аҳәамҭала, Урыстәыла украинатәи аган иашьҭанеиуа акомментари аус аднаулоит.

Урыстәыла Адәныҟатәи аусқәа рминистр ишааицҳаз, Москва ашәарҭадара гарантиақәа Урыстәылазы мацара акәымкәа, Украинеи Европеи рзы аҭахуп.