Адәныҟатәи аусқәа рминистр актәи лхаҭыҧуаҩ Гьаргь Зурабишвилии Антикоррупциатә биуро анапхгаҩы Ражден Купрашвилии Қырҭтәыла аус зуа адипломатцәеи жәларбжьаратәи аиҿкаарақәа рхаҭарнакцәеи  ирҧылеит.

Ари аиҧылара азакәан FARA-и,  «Агрантқәа ирызку» азакәани, урҭ ирыдҳәалоу азҵаарақәеи ирызкын.

Адәныҟатәи аусқәа рминистрра апресс-маҵзура адыррақәа рыла, аиҧылараҿы Антикоррупциатә биуро ахаҭарнакцәа адипломатцәа ирзеиҭарҳәеит абарҭ азакәанқәа ирыдҳәаланы Антикоррупциатә биуро имҩаҧнаго аусура иазкны.

«Адипломатиатә корпус ахаҭарнакцәа даҽазнык аилыркаарақәа рзыҟаҵан абарҭ азакәанқәа адемократиатә принципқәа ишрышьашәалоу,  иаарту аусеицура ишазку азы.

Ражден Купрашвили ишиҳәаз ала, жәларбжьаратәи аиҿкаарақәеи аконкретә иҳәынҭқарратәым аиҿкаарақәеи русура иаҧырхагахаша ҭагылазаашьакгьы иҟам», — иануп Адәныҟатәи аусқәа рминистрра аинформациаҿы.

Антикоррупциатә биуро анапхгаҩы адипломатцәа рызҵаарақәа аҭак риҭеит.

Адәныҟатәи аусқәа рминистрра аинформациаҿы ишазгәаҭоу ала, ақырҭуа аган даҽазнык ишьақәдырҕәҕәеит жәларбжьаратәи апартниорцәа аус рыцуреи, зыӡбахәы ҳәоу азҵаарақәа ирыдҳәаланы еиуеиҧшым аформатқәа рҿы адиалог амҩаҧгареи ишазыхиоу.