Адәныҟатәи аусқәа рминистрра аҟынтә ишаарыцҳаз ала, ииммиграциатәым авизақәа рыҭараан агарантиатә ашас ашьақәыргылара иазкны  Америка иаднакылаз аӡбара Қырҭтәыла атәылауаа рыла авизатә политика аилагара арбага ду иадҳәалоуп, америкатә аган ари азҵааразы аилыркаарақәа ҟарҵеит.

Адәныҟатәи аусқәа рминистрра Қырҭтәыла атәылауаа рахь ааҧхьара ҟанаҵоит Америка авизатә ҧҟарақәа ирықәныҟәаларц.

«Ахада Дональд Трамп иадминистрациа имҩаҧнаго аиммиграциатә политика шыџьбароу идыруп, уи убарҭоуп аконкреттә шьаҿақәа рылагьы.  Уажәтәи аӡбарагьы аиммиграциатә политика иаҳа арџьбара иадҳәалоуп. Убри аҟынтә, Қырҭтәыла атәылауаа рахь ааҧхьара ҟаҳҵоит Америка авизатә регулиациақәа ирықәныҟәаларц, уажәазы иҟоу авизатә режим еиларымгарц, уи ари азҵааразы америкатә аган рҟны аусура анагӡаразы алшара ҳнаҭоит», — ирҳәеит Қырҭтәыла Адәныҟатәи аусқәа рминистрраҿы.

Уаҟа ишазгәарҭаз ала, Америка авизатә ашас апрограмма арҭбааит 12 ҳәынҭқаррақәа рзы, Қырҭтәылагьы инрылаҵаны.