Тбилисы инфекцион рынчындоны боксиргонд хайады  къухдариуæггæнæг  Марина Энделадзейы  фидиуæнæй,  Гуырдзыстоны   коронавирусы цы  569  ног цау  рабæрæг ис,  уыдонæй 207   сфиксир сты  Ачъарайы,  168  Тбилисимæ сты баст, 117  та Имереты  рабæрæг сты.

Иннæ цаутæ  та  сты  æндæр æмæ æндæр  регионтæй.

«Регионтæм гæсгæ  коронавирусы ног  цауты райуæрст ахæм у: хъыгагæн   ацы  этапыл  сеппæтæй  фылдæр  фæрынчынуæвæг ис  Ачъарайы,  207 цау, Тбилисы  – 168, Имереты 117,  Шида Картли -25, Квемо Картли -7, Самегрело-Уæллаг Сванеты – 24, Гуриа – 8,   Кахет-5,   Мцхета Мтианеты –  5, Самцхе Джавахеты та  æртæ»- фехъусын кодта  Марина Энделадзе.