Тынг æууæндаг хъуамæ  уай,  цæмæй æнхъæлмæ кæсай, ома  гуырдзиаг институттæн сæ бон у æвзæрстыты хæлдтытыл фæдагуырд ауадзын, – уый фæдыл Лиетувæйы президент, Гитанас Науседа Европæйы политикон цæдисы саммитыл расидтис.

Йæ ныхасмæ гæсгæ, хъæуы æхсæнадæмон, хæдбар фæдагуырд.

«Мæнмæ гæсгæ, ныртæккæ фаг нæу мæ арф сагъæс расидын, уымæн æмæ зæрдæсаст дæн æрмæст фæстиуджытæй нæ, фæлæ ма бирæ æнæзакъондзинæдтæй дæр, кæцытæ æвзæрстыты процессы  æрцыд. Уый у тыхстгæнæг фарста. Нæй гæнæн дзурын Евроцæдисы уæнгдзинадмæ тырнындзинадыл æмæ уыимæ иумæ контрмадзæлттæ æмæ закъæттæ райсын, демократон Ныгуылæны ныхмæ æгадгæнæг риторикæйæ пайда кæнын, уымæн æмæ уый æнæлогикон у, логиконæй йæ бамбарын кæнын нæй гæнæн.

Уый тыххæй хъæуы ацы æвзарæнон процесс сбæрæг кæнын. Нæ мæ уырны, цæмæй гуырдзиаг институттæн сæ бон уыдзæн уый саразын. Тынг æнæзонд уыдзæн æнхъæл уæвын, æмæ сæ бон у. Мæнмæ гæсгæ хъæуы æхсæнадæмон, хæдбар фæдагуырд. Æвзарæнон процессмæ Уæрæсейы æрбабырсты масштаб æмæ интенсивондзинад ныртæккæйы хуызæн никуы уыд. Уый у тыхстгæнæг фарста. Æз æрмæст Гуырдзыстоны тыххæй нæ дзурын, Молдовайы тыххæй дæр дзурын. Фæлæ Молдовæйы æвзæрстыты хатдзæгтæ æндæрхуызон уыдысты. Уый фаг у тынг бæлвырд сигнал æрвитынæн. Хæлæрттæ, афтæ куы бакæнат, уæд Евроцæдисмæ хæстæг æрцæуыны æнхъæл дæр ма  хъуамæ уат. Сымах  цæут бынтон æндæр æрдæм, Евроцæдисæй дард. Ныфс мæ ис, ацы хъусынгæнинаг райсдзысты æмæ йæ бамбардзысты. Ныфс мæ ис афтæдæр, цæмæй Гуырдзыстонæн нырма дæр йæ бон у йæ фæндаг фæивын. Ныридæгæн та æз нæ уынын стыр æвæццæгæнад, цæмæй уый æввахс фидæны æрцæудзæн.

Бидзина Иванишвили, кæй зæгъын æй хъæуы, æппæт ацы процессты фæстæ лæууы æмæ мах зонæм, куыд арф æмæ интенсивон сты йæ бастдзинæдтæ Уæрæсеимæ. Уый у аххосаг, цæмæй æрмæст Евроцæдисæй ахизыны тыххæй нæ ныхас кæнæм, фæлæ ма Уæрæсемæ æввахсдæр кæныны тыххæй дæр, уымæн æмæ æхсæнвæндаджы позици равзарын нæй гæнæн. Уынаффæ куы рахæссай æмæ геополитикон къахдзæфтæ куы саразай, уæд æхсæнвæндаджы уавæры уæвæн нæй. Сымах  ацæудзыстут  кæнæ ныгуылæнырдæм, кæнæ  та скæсæнырдæм», — загъта Науседа.