Тбилисы инфекцион рынчындоны  медицинон   директоры  Марина Эзугбаиайы  фидиуæнæй, Гуырдзыстоны  рабæрæггонд   коронавирусæй  инфицирады 10  ног цауæй   фондз баст сты Гачианиимæ, цыппарæй сты  æрбахæсгæ, æрмæст иуы инфицирады  равзæрæн нырма  бæрæг нæу, æмæ дарддæр кæны  бацагуырд.

«Знон уыдис  1145 бæлвырд цау,  бафтыд ма сæм  10 ног цау æмæ  нын ныр ис 1155.  Сæнæниз сты  æрмæст дыууæ  æмæ фæнысангондты  нымæц 929-мæ ахæццæ ис.  Дæс пациентæй фондз баст сты Гачианиимæ, цыппарæй сты  æрбахæсгæ. Уыдонæй  дыууæ сты   уæзласæн хæдтулгæты тæрджытæ,  æрмæст иуы инфицирады  равзæрæн нырма  бæрæг нæу, æмæ дарддæр кæнæм йæ  контактты  агурын», –   загъта  Марина Эзугбаиа.

Афтæма  йæ  информацийæ,  ацы рæстæгмæ, ковид-центрты   хос кæнынц  248  паицентæн.