Италийы  коронавирусæй фæрынчыны  цаутæ   1 128 –ы  онг  райрæзтысты,  æрбамард  29  адæймаг. Бæстæйы  æмбæстагонд  хъахъхъæды  агентады   къухдариуæггæнæг   Анджело  Борелли куыд  райхъусын кодта   афтæмæй   фæстаг  æхсæв-боны мидæг,   фæрынчыны  240  цау  рабæрæг ис.   50  адæймаг  сдзæбæх ис.

Фæрынчынуæвджытæй  105 адæймаг   интенсивон терапийы  хайады  уæвынц.

Коронавирусæй   фæрынчыны цауты  æрдæг,  рабæрæг ис   Италийы  цæгат  хайы,   Ломбардийы   регионы. Инфициргондты   нымæцмæ гæсгæ,   уый фæстæ  цæуы  Эмилиа Романиайы  регион  æмæ Венето.  Фæнсангонд   æртæ регионы   ахуыргæнæндæттæ,  фидæн къуырийы  дæр æхгæд уыдзысты.