Евроеидгыла, аурыс интервенциа афонаҿ, Украина адгылара азаанарҧшуеит, иара убас, даҽазнык ишьақәнарҕәҕәоит Қырҭтәылеи Молдовеи  рхьыҧшымреи рҵакырадгьылтә акзаареи ишадгыло. Ари атәы иануп Адәныҟатәи аусқәеи ашәарҭадара аполитикеи рзы Евроеидгыла Иреиҳаӡоу ахаҭарнак  Жозеп Боррель.

«Евроеидгыла ишьақәнарҕәҕәоит Украина ахьыҧшымреи аҵакырадгьылтә акзаареи ишадгыло. Евроеидгыла ишьақәнарҕәҕәоит  Евроеидгыла ашҟа Украина аполитикатә ассоциациеи аекономикатә интеграциеи ишақәшаҳаҭу.  Ҳара аукраина жәлари рдемократиатә институтқәеи ҳрыдгылоит.  Иара убас, Евроеидгыла Қырҭтәылеи Молдовеи рхьыҧшымреи рҵакырадгьылтә акзаареи иадгылоит. Ахада Путин иахь ааҧхьара ҟаҳҵоит зыҧшра ҟамҵакәа арратә операциа аанкыланы, Украина аҵакырадгьыл аҟынтә аурыс арбџьармчқәеи атехникеи алигарц. Урыстәылоуп агрессиеи, абгарақәеи, ауаа рҭахареи азы аҭак зыҧхықәу», — иануп  Боррель иҟаиҵаз аҳәамҭаҿы.